hnallthora.md

Hnallþóra

#eftirrettur

Innihald:

• 4 egg
• 180 gr. sykur
• 120 gr. hveiti
• ½ tsk. lyftiduft
• ¼ tsk. salt
• 70 gr. saxaðar pekanhnetur
• 1 msk. sjerrý eða púrtvín (eða líkjör sem til er í ískápnum)
• 500 gr. fersk jarðaber
• 1 msk. sykur
• 100 gr. suðusúkkulaði
• 2 pelar rjómi

Aðferð:

1. Hitið ofninn í 180 °c.

2. Smyrjið djúpt hringform.

3. Þeytið egg og sykur saman þar til blandan er orðin ljósgul og þykk.

4. Hrærið hveiti, lyftidufti, salti og pekanhnetum varlega útí.

5. Hellið deiginu í formið og bakið í 40 til 50 mínútur.

6. Kælið kökuna og skerið hana þversum í þrennt, þannig að úr verða þrjú hringlög.

7. Bræðið súkkulaðið og smyrjið því á tvö neðri lögin. Látið súkkulaðið harða (gott að setja í ískáp).

8. Stráið sykri yfir þriðjung jarðaberjanna og merjið þau í matvinnsluvél, þó ekki þannig að þau verði að mauki.

9. Þeytið rjómann og blandið mörðu jarðaberjunum útí fjórðung hans.

10. Smyrjið jarðaberjablöndunni ofan á lögin með súkkulaðibráðinni og raðið lögunum saman.

11. Hyljið tertuna með afganginum af rjómanum og fyllið hringmiðjuna með jarðaberjum.