lambalæri_tronuberja.md

Lambalæri með ofnbökuðu rótarávextir og sveskju og trönuberjamauki

Lambalærið

#adalrettur

Innihald:

• Salt
• Pipar
• 5-10 hvítlauksrif
• 1 glas vatn í botninn á forminu

Aðferð:

1. Salta og pipra lærið. Stinga lítil göt í lærið og stingið hvítlauksrifunum inn í götin.

2. Setja 1 glas af vatni í botninn á eldföstu móti.

3. Baka í ofni við 200°C í 1.5 - 2 tíma eða þar til kjarnhitinn á lærinu er kominn í 60-65°C.

4. Berið fram með ofnbökuðum rótarávöxtum og sveskju og trönuberjamauki

Ofnbakaðir rótarávextir

#meðlaeti

Innihald:

• 2-3 kartöflur skornar í bita
• 2 miðlungsstórar sætar kartöflur
• 2-3 miðlungsstórar steinseljurætur
• 2 laukar
• 2-3 gulrætur
• 2-3 sneiðar engifer
• 4 msk olía
• Rósmaríni stráð yfir eftir smekk
• Salt og nýmalaður pipar eftir smekk

Aðferð:

1. Ofninn er stilltur á 200°C

2. Grænmetið er afhýtt og það sem hefur fínt hýði er skolað vel. Allt er skorið í jafnstóra bita. Öllu er hrært saman með olíunni

3. Bakað í ofninum í u.þ.b. 30 mínútur. Hrært í af og til.

Sveskju og trönuberjamauk

#medlaeti

Innihald:

• 1 ½ msk. smjör
• 2 tsk. sykur
• 8 skallottlaukar, klofnir í tvennt eftir endilöngu
• 1 msk. Balsamic edik
• ½ bolli kjúklingasoð
• 4 msk. trönuber
• 18 stk. steinlausar sveskjur, skornar í tvennt
• 1 ½ msk. ferskt saxað rósmarín
• Salt og nýmalaður pipar

Aðferð:

1. Bræðið smjör við meðalhita og bætið sykri og skallottlaukum útí. Látið krauma í 15 mín.

2. Bætið þá ediki útí og sjóðið þar til það hefur gufað upp að mestu.

3. Bætið þá öllu hinu útí og sjóðið þar til laukurinn er orðinn mjúkur og ⅔ af vökvanum hefur gufað upp. U.þ.b. 5 mín.

4. Haldið volgu þar til maukið er borið fram eða hitið upp.