Smart Student Management System (BETA)
سیستەمی بەڕێوبردنی خوێندکاران (وەشانی تاقیکاری) بەزمانی PHP، ئێستا بەردەستم کردووە و ئێوەش دەتوانن سودی لێوەربگرن، بەداخەوە کە لەپڕۆژەمدابوو کە ئەم سیستەمە بەکۆتا بگەیەنم بەڵام دەرفەتم نابێت، و ئاگادارم کۆمەڵێک لەهاوڕێیان کار لەهەمان سیستەم دەکەن و بەڵکە ئەوانیش بتوانن لانی کەم بیرۆکەیەکی لێوەربگرن یاخود کۆدێک شتێکی لێوەربگیرێت کە پار ساڵ بۆ ڤیستیڤاڵێک بەپەلە ئامادەم کرد بۆیە هەر کەسێک بیەوێت بەکاری بهێنێت زۆر ئیش ماوە کە بۆی بکرێت،
سیستەمەکە چییە و ئیشی چییە؟ سیستەمی بەڕێوبردنی خوێندکارانە کە لەسەر شێوازی زانکۆ و پەیمانگاکان داڕێژراوە کە خوێندکار لەهەر بەشێک وەرگیرا زانیاریەکانی داخڵدەکرێت بەپەڕەیەکی ئێگزڵ (CSV) و دەبێتە خاوەنی هەژماری خۆی لە سیستەمەکەدا و ئیتر لەلایەن مامۆستا و بەڕێوبەرەوە ئیشەکانی ڕایی دەکرێت، گەر زۆر باسەکە درێژنەکەمەوە و بەکورتی لەسەری بدوێم لەم بەشانە پێک دێت،
-
سێ پلەی جیاواز هەیە لە سیستەمەکە (خوێندکار، مامۆستا، بەڕێوبەر) کە هەر یەکەیان بەپێی دەسەڵاتی و ئەو کار و چالاکیانەی پێیدراوە ئیشەکانی ڕایی دەکات هەرکەسە و هی خۆی.
-
بەشی ئاگادارکردنەوە کە هەریەکە لە مامۆستا و بەڕێوبەر ئاگادارکردنەوە دەنێرن و لای خوێندکار دەردەکەوێت ئیدی بەئارەزوی خۆت چ قۆناغ و گروپێک.
-
بەشی گفتوگۆ(چات) کە خوێندکار و مامۆستا و بەڕێوبەر لەناوسیستەم گفتوگۆدەکەن، و خۆت لەبەشی ڕێکخستنەکان دەتوانی سنوردابنیی بۆ خوێندکار کە ڕۆژانە بتوانێت چەند نامە بنیرێت بۆ ئەوەی مامۆستا و بەڕێوبەر بێزار نەکات.
-
بەشی ئامادەبون (غائیبات) کە لەوێ هەریەکە لە مامۆستا و بەڕیوبەر ئامادەبونی خوێندکاران تۆمار دەکەن بەپێی بەروار و قۆناغ و گروپ، و خوێندکار دەتوانێت لەهەژماری خۆی سەیری ئامادەبونی بە وردەکاریەوە بکات کە ڕێژەی غائیباتی چەندە و لە چ کاتژمێرێکدا ئامادەنەبووە، وەلەهەمان کاتدا وەرگرتنەوەی غائیباتی سەرجەم وانەکان بە لیستە بەپێی ئەو قۆناغ و گروپەی دیاری دەکەیت لە بەروارێکەوە بۆ بەروارێکی تر.
-
بەشی خشتەی هەفتانە، وانەکان، کتێبخانە.
-
بەشی نمرەکان کە کە ٢ بەشی لێدەبێتەوە (شێوازی نمرەکان، نمرەکان)، دەتوانێت شێوازێک بۆ سیستەمەکەت دابنێیت کە بەم شێوەیە نمرەکان دابەشبکرێن (مانگانە و تاقیکردنەوەکان .......)، و بەشی نمرەکانیش کە مامۆستای بابەت دەتوانێت بەپێی بابەتی خۆی نمرە بۆ خوێندکاران دابنیت.
-
بەشی تاقیکردنەوە کە چەند لقێکی هەیە (گروپی پرسیار، بانکی پرسیار، تاقیکردنەوە)، کە خوێندکار بەپێی قۆناغ و بابەت و کاتێک دەتوانێت تاقیکردنەوەی سەرهێڵ ئەنجام بدات (هەڵبژاردن، نوسین).
-
بەشی ڕاپۆرتەکان کە دەتوانی ڕاپۆرتی تەواوی سیستەمەکەی لێ وەربگریت بەپێی قۆناغ و شوێن و ڕەگەز و گروپی خوێن و چەند زانیاریەکی تر.
-
بەشی ڕێکخستەکان کە چەند هەڵبژاردنێت هەیە ڕێکخستنە گشتیەکان -> ناونیشانی سیستەم و لۆگۆ و باری سیستەم..... و لەەمان کاتدا دەتوانیت ئەو خانانە بەمەرج دابنێیت کە لە کاتی داخڵکردنی خوێندکاردا هەنە، و بەیەک کلیک دەتوانی داتابەیسی سیستەمەکە لەبەشی ڕێکخستنەکان باک ئەپ بکەیت.
ئەمەی باسم کرد بەپوختی بوو ڕاستی سیستەمێکی لەو شێوەیە شتی زۆر لەوەش زیاتر و وردتر لەخۆ دەگرێت بەڵام بەڕاستی کات و تاقەی چاکی دەوێت، پێم خۆشبوو کە بتوانم بەکۆتای بگەیەنم بەڵام راستی ئیشێکی زۆرم تێداکرد و ئەو تاقەیەم نەماوە،
وەک لەسەرەوەش ئاماژەم پێداوە سیستەمەکە وەشانی تاقیکاریە و تکایە بەهیچ شێوەیەک نەچن ڕاستەوخۆ بەکاری بهێنن بەڵکو زیاتر بۆ ئەوە دامناوە کە کەسێک بیەوێت بیرۆکە یان کۆدێکی لێوەربگرێت کە کۆدەکان زۆر بە سادەیی نوسیومن و پێویستە ڕێکخستن و لایەنی ئەمنی زیاتر لەبەرچاوبگیرێت.
داگرتن لە گیتهەب: https://github.com/Govar-Jabar/Smart-Student-Management
داگرتن لە وێبچن: http://www.webchinupload.com/f/2018-07/e34de636b92d56809d6d7e88fb7f22b2.zip
دامەزراندنەکەی ئاسانە ئەوەی پێویستە داتابەیسەکەیە کە لە فۆڵدەرێکم داناوە بەناوی database_sql فایلێکی تیایە پێویستە ئیمپۆرتی داتابەیسی بکەی بەناوی student.